البسبوسه فاطمه ابو حاتي

البسبوسه : يسلام علي البسبوسة المرملة مش هتقدري تقومي الطعم ومقلكيش بقا علي ريحتها تجنن بجد وسهلة وسريعة ومش فيها افتكاسات خطوات بسيطة هتنجحها وهخليكي ولا احسن حلواني .

المقادير :
نصف كيلو دقيق سمولينا
علبة قشطة او نصف كوب قشطة
3ملعقة كبيرة جوز هند
2 ملعقة كبيرة لبن بودرة
نصف كوب سمنة
كوب ماء
كوب سكر
رشة بيكينج بودر
للشربات :
2كوب ماء
2كوب سكر
ملعقة كبيرة سمنة

شاهد ايضا : طريقة عمل الجاتوة شاتوة للشيف فاطمه ابو حاتي

الطريقة :
1- في حلة انزل السكر وربع كوب ماء من مقدار المية واهز الطاسة او الحلة من وقت للتاني اكون مدوبة اللبن في بقيت المية واول مالسكر ياخد لون الدهبي او اعمق درجة واحدة  وانزلة المية باللبن وارفعة من ع النار وافكهم كويس وارجعهم تاني اتاكد انهم فكم خالص وتانسو .
2- اطلعهم انزل السمنة واقلبها كويس اوي افكها تماما والقشطة وافكها بنفس الطريقة وعلي الدقيق انزل جوز الهند والبيكينج بودر واقلبهم وانزل الخليط السائل واشربة بالمكونات معجنوش اشربة بس والسميد يشرب المكونات بس .
3- في صنية مقاس 30او 28 مدهونة سمنة وانزل الخليط وافردة بخبط الصنية  وهزها وادخلها علي الرف الوسطاني علي اعلا درجة فرن سخن اوي لمده 40دقيقة واطلعها اكون عملت الشربات ويكون سخن اوي انزلة السمنة واقلبهم مع بعض وانزلها علي البسبوسة وهيا سخنة واغطيها واطفي الفرن واسبها جوة 10دقايق واطلعها اقطعها واقدمها لو حباها متماسكة شوية حطلها ربع كوباية دقيق .