فطاير الطاسة فاطمه ابو حاتي

فطاير الطاسة : احلا سندوتشات او فطاير ممكن تعمليها بكل سهولة وبساطة منها تعملي عشا او فطار مميز ومنها هيعجب اولادك وتشجعيهم ع الاكل جدا .

المقادير :
مقادير كيلو دقيق :
كيلو دقيق منخول
كوب لبن
كوب ماء دافيء
نصف كوب زيت
علبة زبادي
2 ملعقة كبيرة سكر
2ملعقة كبيرة خميرة فورية
ملعقة كبيرة بيكينج بودر
ملعقة كبيرة خل
ذرة ملح
مقادير نصف كيلو دقيق :
نصف كيلو دقيق
كوب ماء
نصف كوب حليب (اللبن )
ربع كوب زيت
2ملعقة كبيرة  زبادي
ملعقة كبيرة سكر
ملعقة كبيرة خميرة
رشة ملح
ملعقة صغيرة بيكينج بودر
ملعقة صغيرة خل
للحشو :
جبنة كريمي
ميكس جبن
زيتون اسود
بسطرمة
قطع فراخ
نوتيلا
سكر
قرفة
كاكاو

شاهد ايضا : طريقة عمل فطاير منفوخة بالجبنة للشيف فاطمه ابو حاتي

الطريقة :
1- في بولة انزل المية واللبن والخميرة والسكر واقلبهم مع بعض واسبهم علي جمب يخمرو .
2- علي الدقيق انزل الملح والبيكينج بودر وقلبهم اول مالخميرة تخمر انزلها ع الدقيق والزيت والبادي والخل واقلب المكونات كلها مع بعض لو حسيتي ان العجينة بتلزق ممكن تزودي رشة من الدقيق واعجني علي الخامة لغاية مالعجينة تلم كل العجين اللي في ايدك وكمان تنعم تماما غطيها في بولة وسبيها تخمر في مكان دافيء .
3- بعد مختمرت ابتدي اقسمها كور حسب حجم الفطيرة اللي عاوزاها وهتبتدي تغطيها 10دقايق وتسبيها ارتاح بعد مرتاحت ادهني رخامتك زيت بسيط ونزلي عليها اول كورة وافرديها بسمك نص سنتي واحشيها ممكن جبن ممكن بواقي لحمة او فراخ نوتيلا اي حشوة ممكن انا هحشي الحشوات اللي كتباها هدهن اول واحدة بالجبنة الكريمي وعليها ميكس الجبن والزيتون واقفلها زي القطايف واكد ع قفلها بالشوكة وارصها ع طبق تخمر تاني .
4- احشي بخلطة الكاكاو والقرفة والسكر او التوتيلا حسب زوقك انتي ممكن الجبن والبسطرمة او بواقي الفراخ وبعد متشكلها وتخمر ابتدي ادهني طاسة سخن ورصي الفطاير والناؤر تكون متوسطة اول متاخد لون من تحت اقلبيها تاخد لون من الناحية التانية وقدميها .